Helpdesk-u është sistem për përkrahje të shfrytëzuesit, që u mundëson konsumatorëve tanë paraqitje dhe ndjekje të problemeve të tyre nëpërmjet internetit. Funksionon si një lloj forumi interneti ku mund të komunikoni me personelin tonë për cilado pyetje, probleme, propozime ose vërejtje.

Mënyra më e thjeshtë për t’u ndërlidhur në internet është nëpërmjet aplikacionit Setting të cilin mund ta startoni në disa mënyra: me klikim në butonin Setting në telekomandën, me klikim të ikonës për rregullim në këndin e sipërm të djathtë ose nëpërmjet menysë kryesore në ekranin fillestar (launcher-i). Pasi ta startoni, në opsionin Network mund t’i definojmë rregullimet e rrjetit. Në rast se dëshirojmë që aparatin ta ndërlidhim pa tel në internet me anë të rrjetit Wi-Fi, e zgjedhim opsionin Wi-Fi, me ç’rast në anën e djathtë shfaqen Wi-Fi rrjetet në dispozicion. Pasi ta përzgjedhim rrjetin e dëshiruar, nevojitet që ta shënojmë fjalëkalimin përkatës për rrjetin (klikim të butonit ОК mbi fushën përkatëse për shënimin e fjalëkalimit, me ç’rast shfaqet tastierë për regjistrimin e fjalëkalimit). Nëse fjalëkalimi është shënuar me sukses, në anën e djathtë shfaqet notifikim për ndërlidhje të suksesshme. Në qoftë se dëshirojmë ndërlidhje interneti Ethernet me tel, me anë të kabllos Ethernet të ndërlidhur në mënyrë përkatëse në aparatin, e përzgjedhim opsionin Ethernet. Aparati do ta vendosë vetë internet ndërlidhjen.